Здраво на сите !

Јас сум Елена Шулевска, апсолвент на ФИНКИ и веќе еден месец сум практикант за Software Development во IBORN. Со започнувањето на праксата ја имав можноста да ги усовршам моите досегашни вештини, како и да научам нови алатки кои што моментално ги користам во текот на работењето. Научив како ефикасно да ја користам алатката за менаџирање на проекти Redmine, го надополнив досегашното знаење за Git Branching моделот и Agile методологијата за работа.

Потоа започнав со мојата прва мисија, која што навистина ме исполнува и ми создава желба да се посветам на истата. Креирањето на Time-Off Feature на Perform е мојата улога на оваа пракса, а пак оваа мисија е само дел од сето тоа. Изминатиот период имав задача да креирам спецификација за да ја дизајнирам базата на податоци и да ги направам потребните измени. Со завршувањето на оваа задача започнав преку пишување на кодот, каде што како технологии користам Java со Spring Framework.

Во идните мисии ќе имам можност да работам со Angular, што претставува ново поле за мене, на кое паралелно се усовршувам следејќи курсеви. Во текот на мисијата имаше најразлични предизвици, но благодарение на мојот прекрасен тим и squad leader успешно се справив со нив.

Навистина сум презадоволна од структурата на самата пракса, преку која стекнувам нови технички знаења, работната околина и сите колеги кои што ги запознав и имам можност да соработувам.