Здраво уште еднаш!

Заврши и третиот и последен месец од мојот Ibornship. Овој месец завршивме со еден спринт и еве веќе сме при крај на другиот. Проектот започна да добива некој изглед.

Сите од тимот започнавме со работа на посебни сториња и епици. Јас работев и работам на епикот за Organization Overview кој си има неколку сториња во него. Почнавме да користиме NgRx за менаџирање на стејтот на нашата front-end апликација и RxJS за хендлање на API повиците. Овие 2 поима беа нешто сосем ново за мене, ама веќе можам да кажам дека прилично добро се снаоѓам во front-end програмирањето, и се разбира, секој ден учам нешто ново и го унапредувам моето знање. За back-end делот си продолживме со Spring и дизајнирање на добро REST API кое што се потрудивме да ги следи сите најдобри практики.

За мене оваа пракса беше едно многу добро и позитивно искуство. Успеав да запознаам многу нови и прекрасни луѓе, работев во прекрасен тим со супер колеги. Најважно, успеав да научам многу нови работи, посебно за front-end програмирање, а и си го унапредив знаењето за работите кои што веќе ми беа познати. За крај, со огромно задоволство можам да споделам дека мојата професионална кариера започнува токму овде – во IBORN, станувајќи официјален дел од тимот.

Ви благодарам!