Здраво на сите!

Јас сум Марија Постоловска, апсолвент на ФИНКИ, воедно и ентузијастички практикант во IBORN кој сака да ги истражува сферите на технологијата и развојот на софтвер.

Во текот на изминатиот месец, мојот фокус беше посветен на усовршување на моите вештини и проширување на моето разбирање за сложеноста на развојот на софтвер (и бркање на пинг понг топчиња).

Како за почеток на праксата започнав со изучување на алатката за менаџирање на проекти Redmine, како и со повторување и подетално проучување на Git branching моделот. Потоа продолжив со гледање на курсевите за SQL, со кои што успеав да го унапредам моето разбирање за управувањето и манипулацијата со бази на податоци. По завршувањето на овие курсеви, го гледав курсот за Spring Framework. Курсот го збогати моето разбирање за архитектурата на апликациите и моделите за дизајн и научив како правилно се структурира една апликација.

На крајот на месецот, почнав да го гледам курсот за Angular. Во текот на курсот научив како да креирам динамични и интерактивни веб-апликации користејќи ги компонентите, сервисите и темплејтите на Angular.

Покрај интезивното учење, морам да напоменам дека имав задоволство да запознаам нови интересни луѓе додека ја искусувам енергичната култура на компанијата.

Благодарам, се читаме следниот месец ✌️!