Здраво на сите од Ангела!

Прочитајте и за мојот втор месец како дел од Ibornship програмата.

Надградувањето на знаењата продолжи со уште еден курс за Аngular. Тој ми овозможи целосно да ја разберам архитектурата зад Angular апликациите, како употреба на сите нејзини карактеристики -Components, Directives, Services, Forms, Http Access, Authentication, Optimization, Modules и многу други.

Покрај курсот, работев на уште една задача која вклучуваше мерџирање на .ics (календари) од AlexisHR urls, како и интеграција на истите со Google Calendar. Задачата се реши водејќи се според техниката 3R (Research, Resolve, Reflect), и резултираше со YAKSS презентација пред колегите на тема “Google Scripts“.

Позитивната енергија што ја имаат сите Иборнци, успешно ја споделуваме секојдневно иако работиме од дома. Се надевам дека за краток период ќе се вратиме во куќата, да работиме заедно и да се запознаеме подобро. Она што следува во наредниот месец е индивидуална задача – апликација за менаџирање на спортски активности на отворено за сите спортисти во IBORN. Stay tuned! 🙂