Здраво на сите!

Ја сум Стефан Поповиќ и мојата приказна во iborn започна во месец Јуни, кога
станав практикант и веднаш започнав со работа во полна пареа.

Најпрвин се запознав со Redmine , како бесплатна алатка за управување со проекти и следење на задачи, и со Git  кој што преставува дистрибуиран систем за контрола на верзијата за следење на промените во изворниот код за време на развојот на софтвер.

Како надоградување во првиот месец, од особено значење за мене беше следењето на курсот за Selenium WebDriver working with elements (C#) и курсот за Protractor Cucumber Framework со Java Script. Се запознав и со Gherkin Syntax и неговата улога во Behavior Driven Development .

Добро совладаниот материјал и курсевите, како и големата посветеност на мојата менторка Саве за совладување на прашањата кои ги имав, следниот месец бев поставен да работам на реален проект односно на Clipit.

Во текот на месецот почнав со автоматските тестови со користење на Protractor Cucumber Framework. Во меѓувреме имав задача да направам документација за POM (page object model) и интересни истражувања дали автоматските тестови може да се стартуваат со различни резолуции и дали би можеле да се искористат со Safari како пребарувач, па така дојдов до BrowserStack кој претставува WebCloud и мобилна платформа која им овозможува на програмерите да ги тестираат своите веб страни и мобилни апликации преку различни прелистувачи, оперативни системи, и вистински мобилни уреди и за истиот направив интересна документација. Во вториот месец се запознав со Jmeter за кој имав два курса, каде што на Clipit , алатката ја употребив за Performance, Load, API testing. Со користење на Јmeter дознав и како да генерирам извештаи со користење на influxDB, Chronograf, Grafana за да ги испратам резултатите до клиентот.

Освен Jmeter за API testing се запознав и со Postman алатката во третиот месец која што се користи за back-end testing, каде што внесуваме end-point url, праќаме request до сервер и добиваме одговор од серверот назад. Postman го искористив за API тестирање на колекцијата на Clipit. Направив документација и презентација која ја презентирав пред целата фирма. Исто така, пратев курс за My Sql и Database Testing.

Иако iborn работи remote од самиот почеток на пандемијата, сепак ми дадоа шанса и покрај ваквите околности добив понуда за работа. Тоа што ми пружија целосна доверба работејќи од дома уште повеќе ја зголеми мојата мотивација да се докажам и да напреднам уште повеќе. Самата атмосфера во iborn, како и односот кој го имам со мојата менторка Саве, ми овозможи уште од самиот почеток да се вклопам во фирмата и да се осеќам како дел од тимот. Освен одлична соработка со QA тимот, имам и прекрасна дружба со останатите колеги дури и вон работното време. Откако почнав да работам во iborn се осеќам исполнето и мотивиран сум секојдневно да учам нови работи и да влегувам во нови предизвици. Се надевам на подобро запознавање и поголема дружба во иднина, кога целава ситуација со Covid ќе заврши…