Здраво на сите!

Јас сум Горан Хаџи-Николов, најновиот практикант за Data Science во iborn.net. Моментално сум при крајот на моите студии на ФИНКИ, па сакав да го надополнам и проширам моето знање коешто го стекнав на факултетот во пракса. Мојата пракса почна пред месец дена. На почетокот, најпрво се запознав со Redminе системот како функционира истиот и зошто го користат, потоа се запознав со Bitbucket и Tortoise Git. Следно почнав со следење на курс за Introduction to Databases и SQL Querying, а по негово завршување продолжив со онлајн курс за PosgreSQL како и за Advanced Databases and SQL Querying.

После првите 2 недели, почнав на работа на проект на којшто веќе работеа моите ментори. Моја задача беше помагање на истиот тој проект, користејќи го она знаење коешто го стекнав следејќи ги курсевите. Работејќи на тој проект, се соочив со некои мали проблеми кои лесно ги надминав со помош на моите ментори.

Уште од првиот ден кога дојдов во iborn.net, го почувстував пријателскиот дух и позитивната енергија која владее овде. Со нетрпение чекам, да видам како ќе продолжи мојата приказна овде.

До следен пат.

Поздрав !!!