Во текот на изминатиот месец добив многу повеќе слобода околу работите што ги правам. Имам чувство дека веруваат во мене и во моето знање и многу повеќе работам сама и преземам иницијативи. Понекогаш и самостојно донесувам одлуки, како на пример што ќе се прави следно, на која тема би се задржале, која алатка ќе се користи, итн.

Овој месец најмногу бев посветена на нашата нова веб страница и на содржината за новиот блог што го подготвуваме. Во октомври, исто така го започнавме и долго планираниот настан YAKSS (Yet Another Knowledge Sharing Session) каде што се вклучени сите вработени и се оддржува два пати месечно, а јас сум тука да ги пренесам најнтересните моменти на социјалните медиуми.

Како што веќе споменав погоре, јас одбирам кои алатки ќе ги користам и неодамна дознав за уште една од многуте алатки на Google – Google Search Console. Одлична е и многу корисна за да се “пополнат дупките” кај Google Analytics.

Покрај Facebook и Instagram, од неодамна почнавме да го “враќаме во живот” и профилот на iborn.net на LinkedIn, што претставува предизвик за мене бидејќи досега не сум имала искуство со бизнис профилите на LinkedIn. Но, секој предизвик лесно се совладува доколку имаш добра поддршка како што имам јас во iborn.net.