По изминување на третиот месец како практикант, се оствари мојата примарна цел за која што се стремев уште кога ја започнав праксата во ИБОРН.НЕТ, а тоа е вработување, нештото за коешто се стремиш и работиш во текот на студиите.

За време на мојата пракса имав прилика да работам на вистински проект, и да го завршам до крај. Па така моето искуство и знаење порасна, а моите погледи за software development – от се променија и созреаа. Понесен од одличната работна атмосфера, и пријатното опкружување во ИБОРН.НЕТ, без размислување одлучив мојата професионална кариера да ја започнам токму тука.

Преминот од практикант во вработен, разбирливо, носи дополнителни промени и одговорности кои се поголеми и треба да се сфатат малку посериозно. Сега работам во тим на доста голем проект, кои носи големи предизвици и соочувања проследени со сложени проблеми. Но мислам дека во професионално и пријатно опкружување во какво што имам прилика да работам јас, зборот “проблем” не треба да фигурира во речникот.